Work From home နဲ့ Freelance ကို ကွဲကွဲပြားပြားသိပြီလား?

image
Stay home ကာလကနေစပြီး လုပ်ငန်းခွင်ဝင်နေသူတွေ အနေနဲ့ အလုပ် လုပ်ပုံပြောင်းလဲလာပါတယ်ဗျ။ အထူးသဖြင့် Digital ခေတ်ကြီးမှာ Work From home နဲ့ Freelance ဆိုတာ လူကြိုက်များပြီး လုပ်ကိုင်လိုသူများပြားတဲ့ အလုပ်အကိုင်အမျိုးအစားတွေပဲဖြစ်ပါတယ်ဗျ။
ဒါပေမယ့် ဒီအလုပ် 2 ခုကြားမှာ ကွဲပြားမှုလေးတွေကိုတော့ ကွဲကွဲပြားပြားမသိတာမျိုးတွေရှိနေပါသေးတယ်။ 
Work From home ဆိုတာက ကုမ္ပဏီတစ်ခု ၊ရုံးတစ်ခုရဲ့ ဝန်ထမ်းဖြစ်ပြီး အိမ်မှာပဲနေရင်း အလုပ်လုပ်ပေးရတာပဲဖြစ်ပါတယ်။ အခြားဝန်ထမ်းတွေလိုမျိုး အကျိုးခံစားခွင့်တွေရရှိရမှာဖြစ်ပြီး Meeting တွေနဲ့ အလုပ်ချိန်တွေမှာ Stand by အနေနဲ့ အဆင်သင့်ရှိနေရမှာပဲဖြစ်ပါတယ်ဗျ။ 
Freelance ဆိုတာကတော့ Self Employed အဖြစ် ရပ်တည်နေပြီး တစ်ယောက်ထဲသီးသန့်အလုပ်လုပ်ကိုင်နိုင်တာပဲဖြစ်ပါတယ်ဗျ။ Work From home လိုမျိုး အလုပ်ချိန်အပြည့်ရှိစရာမလိုဘဲ ဘယ်နေရာကနေပဲဖြစ်ဖြစ် ကိုယ်တာဝန်ယူထားတဲ့ အလုပ်ပြီးတာနဲ့ကိုယ်ပိုင်အချိန်ကို ရရှိနိုင်ပါတယ်။ကိုယ့် Client အပေါ်မူတည်ပြီး လစဥ်ဝင်ငွေကတော့ ကွာခြားနိုင်ပါတယ်ဗျ။ Work From home လိုမျိုး ကုမ္ပဏီတွေရဲ့ အကျိုးခံစားခွင့်ကို ရရှိမှာမဟုတ်ပေမယ့် Full time သိုမဟုတ် Work From home အလုပ်လုပ်ကိုင်နေသူတွေအနေနဲ့လည်း Freelance လုပ်ကိုင်နိုင်ပါတယ်။ 
အလုပ်လျှောက်သူတွေအနေနဲ့လည်း Work From home နဲ့ Freelance Job တွေရဲ့ ကွဲပြားခြားနားမှုကို သိသွားလိမ့်မယ်လိုမျှော်လင့်ပါတယ်။ ကိုယ်နဲ့ ကိုက်ညီတဲ့ အလုပ်အကိုင်တွေကိုရွေးချယ်ပြီးအောင်မြင်နိုင်ကြပါစေခင်ဗျ။

Share this Blog?

Recent Posts